Hafnarborg og Sönghátíð í Hafnarborg bjóða upp á Tónlistar- og myndlistarnámskeið fyrir börn á aldrinum 6-12 ára í Hafnarborg dagana 23. – 27. júní 2025. Unnin verða verkefni í fjölbreytta miðla, bæði í myndlist og tónlist, með það að markmiði að örva skapandi hugsun og persónulega tjáningu barnanna.
Námskeiðinu lýkur með myndlistarsýningu og þátttöku krakkanna í Fjölskyldutónleikum á Sönghátíð í Hafnarborg föstudaginn 27. júní 2025 kl. 17:00-17:45. Aðgangur á tónleikana er ókeypis svo það er tilvalið fyrir stórfjölskylduna og vini að koma og hlusta.
Tónlistarkennari á námskeiðinu er Hanna Ágústa Olgeirsdóttir söngkona.
Myndlistarkennari fyrir 6-9 ára er Ýr Káradóttir.
Myndlistarkennari fyrir 10-12 ára er Unnur Mjöll S. Leifsdóttir.
Opið er fyrir skráningar á Völu. Athugið að fjöldi þátttakenda í sumarnámskeiðunum er takmarkaður. Frekari upplýsingar um sumarnámskeiðin eru veittar í síma 585 5790 eða í gegnum netfangið [email protected].
